Kine ki dei ki doh um ba dang shu wan tong bad la tip ruh ia ki ki doh lait krih ha ka ktien Umroi.
Don bun jait ki doh um ha ka thain Umroi jong ngi bad ka dei hi ka dustur jong ngi ki nong Umroi ban leit khwai doh ha ka por Lyiur bad ban tong doh ha ka por Tlang. Kiba don pyntha kba pat ki ju pynap ia kine ki jait doh um da ka paron bad ka khohnam ha ki hali jong ki (ktien hali) ha kaba ki doh ki ju shong bha. Dei tang ki trai hali/pyntha kiba lah ban leh ia kata ka kam ban pynap ne riam doh ha ki pyntha kaba, kiwei pat tang ban shu khwai.
Ka Rukom Khwai:
Ia ki doh um la ju khwai da u wieh (earthworm) kum u wieh saw, wieh nar, u niangriej uba shong hapoh ka siej, u ata, maida bad kiwei de.
Ka Rukom Tong:
Ha ka aiom Tlang pat ban tong doh la ju pyndonkam da ki kriah tong doh hi kiba la shna kyrpang kiba long pyllun kum ka dabor. Dei tang ha ka por Tlang hi ba ka kham bha ban tong namar ba ka um ruh ka la kham rit ha ki wah/ khap, namar ha ka por Lyiur te ka khlain eh ka um ym lah ban tong bad jynjar ban ngat u doh.
