Kane ka dei ka website jong ka Umroi,
Umdoh Byrthih ba la shna bad pynwandur da u Bah Lovingstar Sylliang uba long
ruh u trai jong ka TecLovenia. Ha kane ka website la buh bad pynsah kynmaw ïa kiei kiei kiba don hapoh jong ka Shnong Umroi Umdoh
Byrthih ha ryngkat ki sawdong sawkun jong ka.
Lyngba jong kane ka website la wanrah bad
pynpaw paidbah sha phi baroh kiba peit bad pule ïa ki jingthoh lane ki article
kiba la ai bad batai ha kane ka website. Kumta phi ïoh ïa kane ka lad ban
ïathuh khana parom ha ki khun ki kti bad ki longdien ki jong phi shaphang jong
ka shnong Umroi, Umdoh Byrthih.
Ha shuwa ba phin tip ïa bun kiei kiei baroh
shaphang jong kane ka shnong bad ki sawdong sawkun ki jong ka, phi dei ban da
tip shuwa ïa ka kyteng ba pura ka jong ka. Ka kyrteng ba pura ka jong kane ka
shnong ka dei ka Umroi, Umdoh Byrthih. Bad ba phim dei ban shu khot kulmar tang
da ka “Umdoh Byrthih” lane ka “Umdohbyrthih”. Namar ba bun hi ki briew ki ju
mlien ban ong ba ka Umdoh Byrthih kam dei ka Umroi. Kumjuh ruh ïa ka rukom thoh
kyrteng kam dei kumba paw mynta ha ki signboard bad ha katto katne ki web page
ba ïoh rank ha ka Google ïa kaba ki ai “Umdohbyrthih”, hynrei ka “Umdoh
Byrthih” ka dei ka rukom thoh kaba pura naduh basdang.
