U jajew saw u dei u jait jhur uba ki Bhoi ki ju bam bha ïa uba la ïoh ha ka Aïom Tlang. U soh jong u u ïa syriem ïa u khlur.
U don ar jait kata, u jajew saw bad u jajew lieh. Napdeng jong kine, uba kham jew dei u jajew saw.
La ju shet ïa u tang bad ka ktung. Kano kano ka jait ktung ruh ka biang bad ïahap bha ban shet bad u.
Don bun kiba ju shet ïa u bad ki doh shalynnai ne doh byrthih khamtam ha ki por ot bad shoh kba.
La ju thad tyrkhong ruh ïa u bad sa thep pat ha ki bitor ne klong bad don ruh kiba ju thep ha ki slaloit (plastic) ban ïoh ban shet ha ka Aïom Pyrem ne Lyiur.
Ïa u shyieng ne symbai jong u la ju buh bha hadien ba u lah tyrkhong khnang ban ïoh ban thung biang ha ka Aïom Lyiur.
