Mynta ka sngi pat nga kwah ban pyni sha phi sa ïa uwei pat u jait jhur uba long ban khleh im. Une u dei u "Sohkrot" ïa uba ngi lah ban bam da kaba khleh lang bad ka Tungtap ba lah dep thang.
Ka rukom ban khleh ka long kumba phi ïohi ha kane ka dur harum. Kane ka rukom bam ka bang bha lada phi ïoh lad ban bam sha lum ne pyntha kba.
Ka jingmyntoi jong kine ki jait jhur ka long ba ki khuid ki suba khlem ka jingkhleh dawai. Ha ki san ne hynñiew snem mynshuwa kata ha ki 2013-2015, ki briew kiba wad ïa kum kine ki jhur khlaw ki dang duna bha hynrei, mynta pat bun ki briew kim salia shuh wat ban ngam ban leit wad shaduh ki jaka ba kham jngai ruh.
