U Sohngang

Une u dei u Sohngang uba mih bha ha ki kper ki phrah. U long ban bam im, ban shet bad ruh ban sdieh. U kthang bha na ka bynta jong kito ki bym ju mlien ban bam kthang.

Dei ban dung pynpait shuwa ïa une u Sohngang ha shuwa ba phin shet. Nangta sa shet lang ïa une u Sohngang bad ka Lungsiej kaba lah jew bha, ha kaba la ju pynthnam bha ïa ka um, sa thep ïa une u Sohngang bad nangta pat sa thep lang u piat uba lah dep dung lang bad u sohmynken.

Ban rah symbai ia u dei lyngba ki soh jong u kiba la tyrkhong bad ruh lyngba ki tynrai kiba rit kiba mih hadien ba lah hap ki symbai hapoh khyndew. Shisien ba u lah heh tynrai, Kam pher eh lada sngem ne tyrkhong ka khyndew ruh u I'm hi kumjuh.

Don ruh sa uwei pat u jait sohngang uba syriem ïa une ïa uba la ju tip kum u sohngang hati. Une u jait pat u long uba thiang ha ka jingmad ban ia nujor bad u sohngang uba nga lah batai haneng.