U Tiew Lashing | U Jhur Khlaw

Une u dei u Tiew Lashing ïa uba ki ju bam jhur ki Bhoi. Une u jait syntiew u mih bha ha ki lum shnong. Ka Aïom Pyrem bad marshiteng jong ka Lyiur ka dei ka por kaba u mih bha bad u dang biang bha ka por bam bam.

Ïa une u Lashing la ju tih bad kheit ha ka por ba u dang lung bha. Ynda u lah phuh syntiew bha um da bang shuh ban bam.

Ka Rukom Shet Lane Bam:
Ban shet ïa une ka kham ïahap bad u Dai Saw da kaba shu syrwa beit kumba ju shet Dai bad u Phan.

Lah ruh ban shu khleh kumba ju khleh sohsaw. Kata ka mut ba phin hap phon shuwa katto katne por, nangta pat sa khñiot ïa ka um ban lait kthang lane byrniang eh. Te sa ot rit bha, ai piat bad u dying. Kan ïasyriem beit kumba bam doh khñiang kseh lane ki 'ñianglong.

Ynda lah kut pat ka por jong une u Lashing kan sa mih pat sa ka sla kaba la ju bam jhur hi da kaba shet syrwa. Ïa kane ka sla pat la ju khot ka 'Latdoh.