Une u dei uta u Tit Kdait ba la ju khot ki nong Umroi. U mih bha ha ka aïom Lyiur ha ki jaka kiba long sngem. Ka jingheh bad ka jingiar ka jong u ka long kat ka pliang ja. Lada ka kham sboh bha lei lei ka jaka u kham heh ban ia ka pliang ja ruh bad u dieng jong u pat u heh ha ka shikham kti. Une u jait tit um long uba buit hynrei u bha ban bam. Ki nong Umroi ki ju thang ruh ia u ban tah ja haba ki don sha ki jaka rep. Lada shu thang u sma iwbih bad ka jingmad ruh ka don la kajong hi.
Lada jur eh u slap bad lada slem ban phut ne kheit ia u kin sa don ki khniang slap kiban sa bam ia u bad un sa pyut noh. Kan bha ba phin khmih bniah ia u ha shuwa ba phin kheit ne phut. Ha ka por ba mih une u jait tit don ruh sa kiwei dei ki tit ia kiba la tip kum ki Tit Khlur kiba rit kiba ju mih lang ha kajuh hi ka aiom.
Shen yn sa buh lang ia ka jingthoh shaphang jong u tit khlur khnang ba phin dup ioh ka jingtip kaba kham shai bad bniah.
